Glenda Jackson kamsan tawh ki sai gen cianna

Glenda Jackson kamsan tawh ki sai gen cianna.

Hih Glenda Jackson kam saanna tawh ki sai kong khah khiatna ah, ka lai at te ki cian in sim lo na hih man un, pawlkhat te in, tel khial hi uh teh. Hih kam sang nu nuntakzia pen, no um mawh dan uh hi lo hi. Pasian it bek hi lo a, Pasian kihta Pasian mizat khat hi. USA gam aa ding, antang a thu a nget sak den khat hi. Ka lai at te na sim kik le uh cin, Glenda Jackson in, Pasian thu um mi te nak pi tak thu i nget kei leh hih a deih huai lo thu te USA gam ah hong tung takpi ding hi ci in gen hi cih ka at na mu ding uh hi. Pasian hih thute a lah ciang in, Glenda Jackson in nakpi in thu a nget bek hi lo in, biak inn tuamtuam te, Christian TV station tuamtuam te, Radio station tuamtuam te ah pai a, thu um mi te in, antang a thu i nget ding, Biak inn te thu ngetna inn suak sak liang a thu nget ding nakpi tak a hanthawn a, tua bang in thu i nget kei leh Pasian in hong lah sa bangin tang tung sak takpi ding hi ci in a gen hi bek hi.

USA gam sung, gam ki ukna lam, mimal nuntakna zia, kha lam din mun te ah, nak siat lua mahmah a hih na, a mu cian thei a nungta Pasian um te in, hih Glenda Jackson mangmuhna tung tawn in, antang in thu nakpi tak in ki ngen ahihmanin in, tu aa ciang din mun a ki tung thei hi pan hi. Tu in zong nakpi tak a, thu um mi te thu nget na a ki zop toh lai kei leh Glenda Jackson mang muh na bang in hong tung tak pi lo ding ki ci thei nai tuan lo hi.

Thu pawl khat kong dong nuam hi. Hih Glenda Jackson pen a kam san bang in tang tung lo a hih man in, kam sang zuau thei hi a ci na hih leh thungetna um lo, Pasian um lo na hih na ki lang hi. Thunakpi in i nget kei leh a cih kammal thu a sim sak lo na hih na ki lang hi. Jonah in, Pasian in, a gen sa bang in, Nineveh khuapi a hal tuum loh ciangin, itna nei lo ahihmanin, Pasian tung ah a lungdam ding sangin, Pasian tung ah a leh heh zaw sop bang in, USA gam ah a tung ding haksatna te hong tun loh na pen, Pasian in i thu ngetna hong dawng ei, Topa min phat hang ei, na cih ding sangsikin, Pasian na mawh sak tangin , Pasian mizat kam sang nu pen mawh sak zaw na hih man in, nang pen, a zuau thei kam sang taktak na hih zawkna, na gamtat na in hong lak hi. Glenda Jackson kam sang zuau theih hi ci na hih leh USA gam aa ding in, ni bang zah antang in thu na ngen ngei hiam? USA gam aa ding na khitui bang zah luangta hiam? Tua bangin thugen in hi le teh Danald Trump in president elect a ngah na ciang bek zong Pasian tung ah lungdam ko bek lo in, na fb beek ah, Pasian phat in, antang a, khitui tampi tawh USA gam a ding thu ngen den bek lo a, midangte zong tua bang a thu ngen ding a, a han thawn nu Glenda Jackson pen kamsang zuau thei hi ci peuh mah lo ding hi teh. USA gam it lo, na gilpi bek it na hi a, USA gam pan a khawnkhong ngah ding bek lung ngai in, USA gam aa ding deih sak na them zong nei lo a, Jonah in, it na nei lo a, Pasian in Niniveh khua kaat leh mei kuang tawh a hal loh man a, Pasian tungah a lungdam ding sang, a lungkim lo zaw sop bangin, Pasian mawh sak kam sang zuau theih na hih na, na gamtat kam pau te in hong lak hi.

Nukhan tawh ki sai pen, nu Khan in kei khah khiat sa a man a na khah kik sawn hi bek a, a ma kam sanna hi zenzen lo hi.

USA gam president dingin Donald Trump in ngah

USA gam leh leitung bup a, a nungta Pasian um mi te, thu nget na hang in, tuzingsangin, USA gam president dingin Donald Trump in ki tel na ngah in, mai lam hun a, sep sawm, a gel na te zong gen a, a president sep kum 4 bek hi lo in, kum 8 zong hi thei ding hi ci in gen pah hi. A nungta Pasian min nak pi in phat in om ta hen.

Tuzing sang a, ki telna tawh president a ngah hang, mai kum 2017 January 20 ni ciangin, thuneihna ki ap pan ding uh a hihmanin, tua ki lak hun tampi om lai a, lam et loh thu tampi zong piang thei lai a hih man in, i thungetnate i zop toh suak ding thupi mahmah ding hi.

USA gam president ki tel na ka theih khak teng lak ah, mipi te hihzah a ki lang bawl ki lang do pen om ngei nai lo hi. Tu in zong, president Obama leh mipawl khat te in, Donald Trump in president angah leh Canada ah ka tai ding uh hi a cih sa a om mah bangin, thuneihna a ki ap ma in, a ngah lo party te in, nakpitakin, thuneihna ki ap loh theih na ding in, thusia pawi in hong han ciam to lai ding hi cih pen muh sa hi.

Tu lai tak USA gam ki ukna lam, sumzuaksumleina lam, kha lam din mun te pen, a hu pi bek a om lai hi a, siat theih siat mawh a sia khin ahihmanin, nidang a, a nasia USA gam din mun, a tun kik na ding pen Donald Trump simloh a hih zo, a hih thei ding khat beekbeek om lo hi. A hang pen, Donald Trump pen, midangte tawh ki bang lo in, sumhaupi khat ahihmanin sumnek sim na nei ding leh sumpia te deihna zui ding mi hi lo a, thumanthutak tawh na sem ding mi, a thupi pen ah, bangzahta in sum a hauh hang, USA gam leh a mite mahmah a it mi khat a hih na hang hi. Sum deihna leh minthan nopna hang a, president sem nuam hi lo hi.

Zandeuh ka khah khiat sa te a nuai ah hong khah Kik ing. Hoih tak in, ka kammal zat te na etcian sak ding hong hantawn ing

(Nung a,sawt nai loh a, kong suah sak sa hong suak sak kik ing, USA gam president ki tel ding ni nih zong om zo nawn lo a, ki tel na om tak pi ding hiam? A om leh zong January 2017 ciang president thuneihna, ki tel na a, a ngah pen tung ah a ap tak pi ding hiam cih te pen a hun hong tun dong ki tel nai lo thu hi. Kam sang Glenda Jackson maangmuh na, a taangtun leh tun loh hong ki thei ta ding hi.)

2016 USA president ki telna kiphiat in, om nawn lo dinga, President Obama mah in, thuneihna len suak to ding a, Martial Law or Executive Order ("Ukpi Ngeina"...ei pau a, a ki nai thei pen ding a kong tei khiat hi) ki zang tak pi ta ding.

Hih thutawh ki sai in, ning kum 2015 in zong kong suahsak sa hi a, kei um mawh tawm kong gen hi lo in, mailam hun thupiang ding a gen khol thu suak nei te, a deuhin, Glenda Jackson, John Paul Jackson leh adang pawl khat te i, mangmuhna, mangmatna leh thu suak ngah na te kong gen sawn hi zaw hi.

Hih thu aman leh aman lo pen, a ki tel na ding ni 30 zong om zo nawn lo hi. Tua hi a, Glenda Jackson in a genna ah, Pasian thu um mi te in, nak pitak thu i nget kei leh hih a deih huai het lo thupen hong piang teitei ding hi ci hi. Ei lam pan, hi bang thu a pianding deih het lo i hihmanin, hun tawm no khat a om lai in, i om na peuh ah thu i nget tek ding thupi mahmah hi. Tua tawh ki zui mah in zong hong piantakpi veve leh zong bang ci bangin, hih hunhaksapi kan tan in, atawp dawng, i nuntakna bei dong, Pasian tung ah cihtak paisuak a i om zawh na ding, a ol pak, a senpi pak, a nuam pak lampite i zuih khak het loh na ding, tu mahmah hun a, ki pan thungetna, LaiSiangtho simna, Pasian thu lungngaihna te tawh pan mun la a, ki ging kholsa a i om theih tek na ding in, hih thu te hong suak sak kik ka hihi.

Glenda Jackson in, a maangmuh na ah, Washington DC, whitehouse, Innkaangpi ah, Persistent Obama leh a sabuai kiimah, Muslim te pawlkhat ding in om ka mu a, tua a kiim a a ding mite kiang ah, a khut tawh sabuai tum kawm in, kei tupna ngimna taktak pen, hih USA president din mun a hihmanin, hih din mun ka nawtsiat ding pen hi thei lo hi, hih din mun ah ka kip suak kul hi, a cih ciang in, tua a hih leh bangci hih ding i hi hiam ci a, a dot uh leh lam pi khat bek om hi tua in, ukpi ngeina zat ding hi a cih ciang un, tua a hih leh ko bang ci bang in, mipi lakah buaina piangsak ding cih pen hih thei ki a hihmanun pai in tua bang a pian na ding ka va bawl ding uh a, tua ciang nang ukpi ngeina zat ding hong tang ko in ci uh hi, ci in gen hi.

Hih Glenda Jackson in a gen lai na ah, ki tel na a om loh na ding in, buaina lianpi hong om ding a, 2016 pen tua bang teng tawh hong om to in, buaina hong tam semsem ciang mipi mahmah in, President Obama mahmah in, ukpi ngeina mah tawh hong uk to suak leh lungmuanhuai zaw hi hong ci ding uh hi ci in gen thuah lai hi. Tua hi a, state khat pan khat ah buaina hong om tohtoh na tawh ki zui in, state khempeuh dong ah ukpi ngei na hong ki zang to suak ding hi, ci in gen lai hi. Economy sumleisunzuak na sep na te hong susia mangin, mipi te in kumpi tung bek a ki ngak theih na ding in, hong bawl lai ding uh hi ci in gen lai hi. 2007 pek in, Pasian in, a mel leh a min tawh hong lah sa hi a, ka theih ngei loh mi khat na hi in, a president hun masa bek hi lo hun nihna zong sem to lai ding cih hong gen sa hi ci in Glenda Jackson in gen hi.( Hih thu te pen you tube pan nang leh nang in zong nana en thei hi.)

2016 President Obama in, White House Correspondents Dinner, nitak annek khopna ah a thu gen ki pat a ciam nuih leh cih tak a, a ki pat cil a gen thu te in, a lung sim hong ki lang sak hi. You can't say it but you know it is true....my last perhaps the last of white house correspondents dinner ..the end of republic has never look better. Hih kammal te pen a deih na thuk mahmah a, mipite in a ciam nuih na sa kha uh hi. Mang pha khak nitak annek kop pihna pen a president te, un innkaangpi a nawtsiat ding ciang a, a neih den khat hi, hunnih president a sep khit uh teh sem Kik thei nawn lo uh ahihi. A dang khat ki tel thak a, tua a ngah pen in sem ding a, innkangpi a nusiat ciang, nitak annek khop pih na a ki nei zel kik ding hi na pi, hih annek pihna pen a tawpna pen zong hi thei maitak hi ci mawk hi. Kei man thuneihna lento suak ning a ci tawh ki bang hi. 

President a sep cil dingin, Christian hing ci na pi, hong sep khit ciang Muslim ci bek lo in, USA gampen Muslim gam hi ci in, hangsantak gen ta mawk hi. A na ziate peuhmah pen ngimna dang khat a sim thamin, nei leh ki lawm den a, tua te a taktak a hih leh ahihi loh pen asawt lo in hong ki lang ta ding hi.

https://m.facebook.com/story.php?story_fbid=1801125963433959&id=100006097183112